იოსებ ოცხელის სახელობის ქუთაისის მეორე საჯარო სკოლაში, 23 მაისს, ქართული ენისა დ ალიტერატურის მასწავლებლების თამარ გუმბერიძისა და მარინა ჭეიშვილის ორგანიზებით, ამავე კათედრის თითოეული წევრისა და დაწყებითი კლასების მასწავლებელთა თანადგომით, მხატვრული კითხვის კონკურსი ჩატარდა.
კონკურსში მონაწილეობა მიიღეს I - XII კლასების მოსწავლეებმა. კონკურსანტებმა წაიკითხეს სხვადასხვა ჟანრის ნაწარმოებები: ლექსი, მოთხრობა, იგავ-არაკი, პუბლიცისტური წერილი და სხვ.
კონკურსის მთავარი მიზანი იყო მოსწავლეებში მხატვრული ლიტერატურის პოპულარიზაცია, მეტყველების კულტურის განვითარება, მოსწავლეთა შემოქმედებითი უნარის წარმოჩენა, ნიჭიერი მოსწავლეების გამოვლენა და წახალისება.
მოსწვალეები შეფასდნენ რამდენიმე კრიტერიუმით:
1. ტექსტის სწორად აღქმის უნარი - 2 ქულა
2. მეტყველების კულტურა - 2 ქულა
3. რითმისა და რიტმის შეგრძნება - 2 ქულა
4. ემოციის გამოხატვა - 2 ქულა
5. არტისტიზმის უნარი - 2 ქულა
კონკურსში მონაწილეობა მიიღო ჩვენი სკოლის ოთხმოცდახუთმა მოსწავლემ. მათი შემოქმედებითი უნარი შეაფასა ჟიურიმ. გამოვლინდნენ გამარჯვებულები, რომლებიც დაჯილდოვდნენ შესაბამისი ხარისხის დიპლომებით. კონკურსის ყველა მონაწილე დაჯილდოვდა სიგელებით.